புனர்பூசம்: குருவால் குறை தீரும்..! உங்கள் நட்சத்திர நாதனான குருவிற்கு, ராகுவும் கேதுவும் பகையானவர்கள் இல்லை என்றாலும், கோச்சார சஞ்சாரத்தின் போது அவர்கள் இருவரும் தாங்கள்  சஞ்சரிக்கும் இடத்திற்குரிய பலன்களை வழங்க வேண்டியவர்களாகிறார்கள். புனர்பூசம் 1, 2,3 ம் பாதங்களில் பிறந்தவர்களுக்கு ராகு ஒன்பதாம் இடமான பாக்ய ஸ்தானத்திலும், கேது மூன்றாம் இடமான தைரிய ஸ்தானத்திலும் சஞ்சரிக்க உள்ளனர். 4ம் பாதத்தினருக்கு ராகு அஷ்டம ஸ்தானத்திலும் கேது குடும்ப ஸ்தானத்திலும் சஞ்சரிக்கப் போகின்றனர்.

இதனால் 1,2,3 ம் பாதங்களில் பிறந்தவர்களுக்கு ராகு, தந்தையின் நிலையில் பாதிப்பை ஏற்படுத்துவார். உங்கள் உடல் நிலையிலும் சங்கடங்களை அதிகரிப்பார். தொழிலில் தடை, நெருக்கடிகளை ஏற்படுத்துவார். மேலதிகாரிகளால் சங்கடம், நெருக்கடிகளை ஏற்படுத்துவார். 

இந்த நேரத்தில் கேது 3 ம் இடத்தில் சஞ்சரிப்பது உங்களுக்கு யோகமாகும். ராகுவால் ஒரு பக்கம் நெருக்கடி என்றால் கேதுவால் மறுபக்கம் ஆதாயம் உண்டாகும். இதுவரை ஏற்பட்ட துன்பம், வறுமை, நோய்களில் இருந்து விலகுவீர்கள். தொழிலில் இருந்த தடைகள் விலகி முன்னேற்றம் ஏற்படும். புதிய தொழில் முயற்சி வெற்றியாகும். வேலை இல்லாதவர்களுக்கு வேலை கிடைக்கும். வருமானத்தை விட உபரி வருமானம் அதிகளவில் ஏற்படும். தொட்ட காரியங்கள் அனைத்திலும் வெற்றி ஏற்படும். 

4ம் பாதத்தில் பிறந்தவர்களுக்கு, ராகு எட்டாம் இடத்தில் சஞ்சரிக்கப் போவதால் செயல்களில் போராட்டம், தாமதம் ஏற்படும்.  தொழிலில் பாதிப்பு, வேலையில் நெருக்கடி, வருமானத்தில் தடை, வாகன விபத்து, நோய் நொடி, குடும்பத்தில் போராட்டம் என்ற நிலை உண்டாகும். இரண்டாம் இடத்தில் சஞ்சரிக்கப் போகும் கேது, குடும்பத்தில் குழப்பம், சண்டை சச்சரவுகளை ஏற்படுத்துவார். கணவன், மனைவியிடையே கருத்து வேறுபாடும், ஒரு சிலருக்கு பிரிவும் ஏற்படும். எதிர்பார்க்கும் வேலைகள் இழுபறியாகும். கடன் வாங்கிய பணத்தை அடைக்க முடியாத நிலை ஏற்படும். மனதில் குழப்பம் அதிகரிக்கும்.

சனி சஞ்சாரம்: கும்பத்தில் ராகுவும், சிம்மத்தில் கேதுவும் சஞ்சரிக்கும் நாளில், சனி பகவான் கும்பத்தில் ஆட்சியாக சஞ்சரிக்கிறார். அங்கிருந்து மார்ச் 6, 2026 அன்று மீன ராசிக்கு பெயர்ச்சி ஆகிறார். இதனால் புனர்பூசம் 1,2,3 ம் பாதத்தினருக்கு மார்ச் 6 வரை நினைப்பது நடந்தேறும். எடுக்கும் முயற்சிகள் வெற்றியாகும். அந்தஸ்து உயரும். வீடு, வாகனம், சொத்து என வாழ்க்கைக்குத் தேவையான அடிப்படைகள் சேரும். வியாபாரம் முன்னேற்றம் அடையும். தொழில் லாபம் தரும். தடைபட்ட வருமானம் வரும். மார்ச் 6 முதல் இந்நிலையில் மாற்றம் உண்டாகும்.  வேலையில் எதிர்பாராத நெருக்கடி, வீண் பிரச்னை, வருவாயில் தடை, குடும்பத்தில் சிக்கல் என நெருக்கடிகள் உண்டாகும். வியாபாரம் மந்தமாகும். வேலைப்பளு அதிகரிக்கும். 4 ம் பாதத்தில் பிறந்தவர்களுக்கு மார்ச் 6 வரை நெருக்கடியும், அவதியும், போராட்டமும், உடல்நலக்குறைவும், நிம்மதியற்ற நிலையும் இருக்கும். சிலருக்கு விபத்தும் ஏற்படும். மருத்துவ சிகிச்சை தேவைப்படும். மார்ச் 6 முதல் இந்நிலை மாறும். தொழில் முன்னேற்றமடையும். வருமானம் அதிகரிக்கும். எதிர்ப்பு விலகும், வழக்கு சாதகமாகும். வீடு, வாகனம், சொத்து சேரும். குடும்பத்தில் சுபநிகழ்ச்சிகள் நடக்கும். உடல்நிலை சீராகும். 

குரு சஞ்சாரம்: மே 11 வரை ரிஷபத்திலும், அதன்பின் மிதுனத்திலும், அக்.8 முதல் கடகத்திற்கு அதிசாரமாகவும் செல்பவர், நவ. 18 முதல் அங்கு வக்கிரமடைகிறார். அதே வக்கிர நிலையில் டிச.21ல் மிதுனத்திற்கு வருபவர் 2026 மார்ச் 17ல் வக்கிர நிவர்த்தியடைகிறார். அங்கிருந்து மே 26ல் கடகத்திற்கு பெயர்ச்சியாகிறார். இந்த நிலைகளால், 1,2,3 ம் பாதத்தினருக்கு மே 11 வரை வீண் செலவுகள், அலைச்சல் ஏற்பட்டாலும் குடும்பத்தில் நிம்மதி, புதிய வீடு வாகனம், வழக்கில் வெற்றி, செல்வாக்கில் உயர்வு ஏற்படும். அதன்பின், திருமணம், குழந்தை பாக்கியம், பூர்வீக சொத்து, வீடு, வாசல் என்ற எதிர்பார்ப்பு பூர்த்தியாகும். அந்தஸ்தும் செல்வாக்கும் உயரும். 4 ம் பாதத்தினருக்கு மே 11 வரை குடும்பத்தில் நிம்மதி இருக்கும். திருமணம், குழந்தை பாக்யம், உயர் கல்வி, வேலை என்ற அடிப்படைகள் நிறைவேறும். வருமானம் திருப்தி தரும். அதன்பின் விரயச்செலவு அதிகரிக்கும். ஒரு சிலர் புதிய இடம், வீடு, வாகனம் வாங்குவீர்கள். ஒவ்வொரு வேலையையும் போராடி முடிக்க வேண்டியதாக இருக்கும். 

பொதுப்பலன்:   புனர்பூசம் 1, 2, 3 ம் பாதத்தினருக்கு 2026 மார்ச் 6 வரை பாக்ய சனியும், மூன்றாமிட கேதுவும் குருபார்வைகளும் நன்மைகளை உண்டாக்கும். எடுத்த வேலைகள் அனைத்தும் வெற்றியாகும். குடும்பத்தில் எதிர்பார்த்த முன்னேற்றம் ஏற்படும். படிப்பு, வேலை, திருமணம், சொத்து சுகம் என்ற தேவைகள் நிறைவேறும். தடைபட்ட பணிகள் நடந்தேறும். 4 ம் பாதத்தினருக்கு மே 11 வரை குருவின் சஞ்சாரமும், அதன்பின் பார்வைகளும், 2026 மார்ச் 6 முதல் பாக்ய சனியும் ஆதாயத்தை ஏற்படுத்துவர். வசதி வாய்ப்பு அதிகரிக்கும். தொழில், வேலையில் இருந்த நெருக்கடி விலகும். குடும்பத்தில் மகிழ்ச்சி அதிகரிக்கும்.

தொழில்: முயற்சியும் அக்கறையும் உங்களை உயர்த்தும். சிலருக்கு புதிய ஒப்பந்தம் கிடைக்கும். தொழிலை விரிவு செய்யும் முயற்சி வெற்றியாகும். ஏற்றுமதி, இறக்குமதி, டிராவல்ஸ், டிரான்ஸ்போர்ட், பைனான்ஸ், மருத்துவம், கல்வி, பேக்டரி, கம்பெனி, ஹார்ட்வேர்ஸ், மெஷினரி, குடிநீர், குளிர்பானம், நகை தொழில்களில் ஆதாயம் கூடும்.

பணியாளர்கள்: அரசு பணியாளர்களுக்கு மேலதிகாரிகளால் நெருக்கடி ஏற்படும். சிலருக்கு எதிர்பாராத இடமாறுதல் ஏற்படும். தனியார் நிறுவனத்தில் பணிபுரிபவர்களுக்கு வேலைப்பளு கூடும் என்றாலும் எதிர்பார்த்த சலுகை கிடைக்கும். உடன் பணிபுரிவோரின் ஆதரவு உண்டாகும்.

பெண்கள்: உடல்நிலையில் பாதிப்புகள் ஏற்பட்டு விலகும். எடுக்கும் முயற்சிகள் வெற்றியாகும். நீண்டநாள் கனவு நனவாகும். பொன், பொருள் சேரும். கணவரின் ஆதரவால் எடுக்கும் முயற்சிகள் நிறைவேறும். திருமணம், குழந்தை பாக்கியம், உயர்கல்வி, வேலை என்ற கனவு நனவாகும்.

கல்வி: குருவின் பார்வைகளால் படிப்பில் அக்கறை கூடும். பொதுத்தேர்வு, போட்டித்தேர்வுகளில் எதிர்பார்த்த மதிப்பெண் கிடைக்கும். விரும்பிய பாடப்பிரிவில், விரும்பிய கல்லுாரியில் இடம் கிடைக்கும்.

உடல்நிலை: உடல் பாதிப்பு ஏற்பட்டாலும் மருத்துவத்தால் குணமாகும். என்றாலும், உடல்நிலையில் எப்போதும் கவனமாக இருப்பது அவசியம். சிலர் விபத்தை சந்திக்க வாய்ப்பிருப்பதால் வாகனப் பயணத்தில் விழிப்புடன் செயல்படவும். 

குடும்பம்: திட்டமிட்டு செயல்படுவதால் நினைத்த வேலைகள் நடந்தேறும். குடும்பத்தில் சுபநிகழ்ச்சிகள் நடக்கும். பொன், பொருள் சேரும். புதிய இடம், வீடு, வாகனம் வாங்கும் முயற்சி வெற்றியாகும். பிள்ளைகளால் பெருமை உண்டாகும்.

பரிகாரம்: லட்சுமி நரசிம்மரை வழிபட வாழ்வில் வளம் உண்டாகும்.