பதிவு செய்த நாள்

26 ஏப்
2025
11:04

பூரம்..உடல்நலனில் கவனம் தேவை; அதிர்ஷ்டக்காரகன் சுக்கிரனின் நட்சத்திரத்தில் பிறந்த உங்களுக்கு ராகு, கேது இருவரும் நட்பு கொண்டவர்கள். ஆனால் இருவரும் கோச்சார சஞ்சாரத்தின் போது அந்த ஜாதகருக்குரிய பலன்களை வழங்க வேண்டியவர்கள் ஆகிறார்கள். அந்த நிலையில் சப்தம ஸ்தானம் என்னும் 7ம் இடத்தில் சஞ்சரிக்கும் ராகுவால், குடும்பத்தினர் பற்றிய கவலைகள் மேலோங்கும். வாழ்க்கைத் துணையின் உடல்நிலையில் பாதிப்பு தோன்றும். அவருடன் கருத்து வேறுபாடு உண்டாகும். குடும்பத்தினருக்காக மருத்துவச் செலவு அதிகமாகும். தொழிலில் திருப்தியற்ற நிலை ஏற்படும். வாழ்வின் மீதே வெறுப்பு உண்டாகலாம். வருமானத்தில் எதிர்பாராத தடைகள் தோன்றும். வேலையில், செயலில் ஆர்வம் இல்லாமல் போகும். சோர்வு, அசதி காரணமாக முக்கிய வேலைகளைச் செய்வதில் தாமதம் உண்டாகும். மேலதிகாரிகளால் தொல்லை அதிகரிக்கும். வீண் செலவு, அலைச்சல் இருக்கும். பயணத்தில் கவனக் குறைவால் சின்னச் சின்ன விபத்தை சந்திக்க நேரிடும். அதே நேரம் பயணத்தால் நன்மையும் ஏற்படும். எதிர்பார்த்த அளவுக்கு உறவினர்கள் நடக்க மாட்டார்கள். நெருக்கமாக பழகியவர்களும் கருத்து வேறுபாட்டால் உங்களை விட்டு விலகிச் செல்வர். இருப்பிடத்தில் சில சங்கடங்கள் நிலவும். அதனால் இடமாற்றம் ஏற்படும். வெளிநாட்டு முயற்சியில் எதிர்பார்த்த பலன் கிடைக்காமல் போகும்.

கேது ராசிக்குள் சஞ்சரிக்கும் காலம் பூச்செடியை புயல் காற்று உலுக்கியது போல் இருக்கும். கடும் சோதனைக்கு ஆளாகி அதிலிருந்து மீள்வதற்காக போராட வேண்டியதாக இருக்கும். குடும்பத்தில் வறுமை, துன்பம், கவலை, சங்கடம், பிரச்னை அதிகரிக்கும். குடும்பத்தில் யாராவது ஒருவருக்கு நோய் என்ற நிலை தொடரும். அல்லது விபத்தில் சிக்கி உயிர் பிழைக்கும் நிலை உருவாகும். உடல்நிலை பாதிக்கும்.  இனம் புரியாத அச்சம் தொடரும். தொழிலிலும் மந்த நிலை உருவாகும். பணியாளர்களுக்கு விருப்பத்திற்கு மாறாக இடமாற்றம் ஏற்படும். நெருப்பு, மின்சாரத்தால் பாதிப்பு உண்டாகும். 

சனி சஞ்சாரம்: 2026 மார்ச் 6 வரை 7 ல் சஞ்சரிக்கும் சனி பகவான், உடல்நிலையில் சங்கடத்தை ஏற்படுத்துவதுடன், வாழ்க்கைத் துணைக்கும் உங்களுக்கும் பிரச்சினைகளை அதிகரிப்பார். நல்ல நண்பர்களாக இருந்தவர்களையும் உங்களை விட்டு விலக்கி வைப்பார். மனக்குழப்பத்தை அதிகரிப்பார். 2026 மார்ச் 6 முதல், 8 ம் இடத்தில் சஞ்சரிக்கும் சனியால் எடுக்கும் முயற்சிகள் இழுபறியாகும். தொட்ட வேலைகள் தோல்வியாகும். உடல்நிலையில் பாதிப்பு அதிகரிக்கும். அந்தஸ்து, செல்வாக்கு, கௌரவம் குறைய ஆரம்பிக்கும்.

குரு சஞ்சாரம்: மே 11 வரை ரிஷபத்திலும், அதன்பின் மிதுனத்திலும், அக்.8 முதல் கடகத்திற்கு அதிசாரமாகவும் செல்பவர், நவ.18 முதல் அங்கு வக்கிரமடைகிறார். அதே வக்கிர நிலையில் டிச.21ல் மிதுனத்திற்கு வருபவர் 2026 மார்ச் 17ல் வக்கிர நிவர்த்தி அடைகிறார். அங்கிருந்து மே 26ல் கடகத்திற்கு பெயர்ச்சியாகிறார். இந்த நிலைகளால்  மே 11 வரை பத்தாமிடத்தில் சஞ்சரிக்கும் குருவால், தொழில், வியாபாரத்தில் மந்த நிலை இருக்கும், வேலை பார்க்கும் இடத்தில் நெருக்கடி அதிகரிக்கும். அரசியல்வாதிகளுக்கு சோதனையுண்டாகும். மே 11 க்கு பிறகு லாப ஸ்தானத்தில் சஞ்சரிக்கும் குருவால் வருமானம் அதிகரிக்கும். தொழில், வியாபாரம் முன்னேற்றமடையும். வேலையில் முன்னேற்றம் ஏற்படும். திருமணம், குழந்தை பாக்கியம், பதவி, பொறுப்பு என உங்கள் கனவு நனவாகும். இழுபறியாக இருந்த வேலைகள் முடிவிற்கு வரும்.

பொதுப்பலன்: ராகு, கேது, சனி மூவரும் எதிர்மறையான பலன்களை வழங்கினாலும், சூரியன் 3,6,10,11 லும், செவ்வாய் 3,6,11 லும் சஞ்சரிக்கும் காலங்களில் யோகப் பலன்களை அள்ளி வழங்குவர். சங்கடங்கள், நெருக்கடிகள் எல்லாம் இருந்த இடம் தெரியாமல் போகும். மே 11 வரை குருவின் பார்வைகளும். மே 11 முதல் லாப ஸ்தானத்தில் சஞ்சரிக்கும் குருவும் அவருடைய பார்வைகளும் செல்வாக்கை உயர்த்தும். பணப்புழக்கத்தை அதிகரிக்கும். பட்டம், பதவி என்ற கனவை நனவாக்கும். வியாபாரம்,  தொழிலில் ஏற்பட்ட தடைகள் விலகும்.

தொழில்: மே 11 க்கு பிறகு தொழில் மீது அக்கறை அதிகரிக்கும் என்றாலும் அடிக்கடி மனம் சோர்வடையும். வேலையாட்களின் ஒத்துழைப்பு கிடைக்காமல் தடைகள் உண்டாகும் என்பதால் அவர்களை அனுசரித்துச் செல்வது இக்காலத்தில் அவசியம். பேன்சி ஸ்டோர், ஜூவல்லரி, அழகு சாதனங்கள், வாகன விற்பனை, கவரிங், சினிமா, தொலைக்காட்சி, யூட்யூப், ஷேர் மார்க்கெட், ஆன் லைன் வர்த்தகம் முன்னேற்றமடையும்.

பணியாளர்கள்: மார்ச் 11 வரை வேலைப் பார்க்கும் இடத்தில் நெருக்கடி இருக்கும். அதன்பின் நிலைமை சீராகும் என்றாலும், பணிபுரியும் இடத்தில் யாரிடமும் வாக்கு வாதத்தில் ஈடுபட வேண்டாம். சிலர் தற்போதிருக்கும் வேலையை விட்டு விட்டு வேறு வேலைக்கு  முயற்சிப்பீர்கள். அரசு பணியில் இருப்பவர்களுக்கு மேலதிகாரிகளால் நெருக்கடி ஏற்படும்.  எதிர்பாராத இடமாற்றம் உண்டாகும்.

பெண்கள்: ஒன்றரை ஆண்டுகளும் அஸ்தமனம், வக்கிரம், அதிசாரம் இன்றி  ஜென்ம ராசிக்குள் கேதுவும், களத்திர, நட்பு ஸ்தானமான ஏழாமிடத்தில் ராகுவும் சஞ்சரிப்பதால் மனம் அலைபாயும். தவறான நபர்களை நம்பி குடும்பத்தினரிடம் மோதல் போக்கை மேற்கொள்வீர்கள். இக்காலத்தில் வாழ்க்கைத் துணையுடன் இடைவெளி ஏற்பட வாய்ப்பிருப்பதுடன் சிலர் விவாகரத்திற்கும் முயற்சி மேற்கொள்வீர்கள். இந்த நிலைகள் ஏற்படாமல் இருக்க குடும்பத்தினர் ஆலோசனையை ஏற்பதுடன், கணவரின் பாதுகாப்போடு செயல்படுவது அவசியம். புதியவர்களை ஓரடி தள்ளி வைப்பது இக்காலத்தில் அவசியம். படிப்பு, வேலை, திருமணம், குழந்தை பாக்கியம் என்ற கனவுகளை மங்களக்காரகன் குரு பகவான் நிறைவேற்றுவார்.

கல்வி: தேர்வு முடிவுகள் சாதகமாகும். எதிர்பார்த்த மதிப்பெண் கிடைக்கும். விரும்பிய கல்லுாரியில் சேர்வீர்கள்.

உடல்நிலை: சனி, ராகு சஞ்சாரத்தால் ஆரோக்கியத்தில் சங்கடம் உண்டாகும். அலர்ஜி, மறைமுக நோய், பரம்பரை, தொற்று நோய், சிலருக்கு விபத்து என மருத்துவச் செலவு அதிகரிக்கும்.

குடும்பம்: சூழல் அறிந்து தம்பதிகள் செயல்படுவதுடன் ஒருவரை ஒருவர் அனுசரித்துச் செல்வது நன்மை தரும். பாப கிரகங்கள் நெருக்கடியை ஏற்படுத்தினாலும், குருபகவான் உங்களைப் பாதுகாப்பார். குடும்பத்தில் சுபநிகழ்ச்சிகள் நடந்தேறும். பொன், பொருள், சொத்து, வாகனம் சேரும். சிலருக்கு குழந்தை பாக்கியம் உண்டாகும். பூர்வீக சொத்தில் ஏற்பட்ட வழக்கு முடிவிற்கு வரும்.

பரிகாரம்: மதுரை இம்மையில் நன்மை தருவாரை வழிபட நன்மை உண்டாகும்.

உத்திரம்.. தடைகள் விலகும்: உங்கள் நட்சத்திர நாதனான சூரியனுக்கு ராகு, கேது இருவரும் பகைவர்கள் என்றாலும் அவர்கள் கோச்சார சஞ்சாரத்தின் போது சஞ்சரிக்கும் இடத்திற்குரிய பலன்களை வழங்க வேண்டியவராகிறார்கள். உத்திரம் 1 ம் பாதத்தில் பிறந்தவர்களுக்கு ராகு சப்தம ஸ்தானத்திலும், 2,3,4 ம் பாதத்தினருக்கு சத்ரு ஜெய ஸ்தானத்திலும் சஞ்சரிக்கிறார். கேது, உத்திரம் 1 ம் பாத த்தினருக்கு ஜென்ம ராசிக்குள்ளும், 2,3,4 ம் பாதத்தினருக்கு விரய ஸ்தானத்திலும் சஞ்சரிக்கிறார்.

முதல் பாதத்தில் பிறந்தவர்களுக்கு ராகு நெருக்கடியை உண்டாக்குவார். குடும்பம், தொழில், வேலையில் பிரச்னைகளை ஏற்படுத்துவார். அந்நியரால் சங்கடத்தை அதிகரிப்பார். சுய ஒழுக்கத்தில் தடுமாற்றத்தை உருவாக்குவார். குடும்பத்திற்குள் நிம்மதியற்ற நிலையை வழங்குவார். 2,3,4 ம் பாதத்தினருக்கு, நற்பலன் அதிகரிக்கும். உடல் பாதிப்பு விலகும். தொழிலில் முன்னேற்றம் ஏற்படும். வருமானம் அதிகரிக்கும். கடன் தொல்லை விலகும். விரோதிகள் விலகிச் செல்வர். முயற்சி யாவும் வெற்றியாகும்.

கேது, உத்திரம் 1ம் பாதத்தினருக்கு மனக்குழப்பம் தருவார். எடுக்கும் வேலைகளை இழுபறியாக்குவார். குடும்பம், தொழில், வேலையில் பிரச்னைகளை உருவாக்குவார். உடல் பாதிப்பையும், சோதனைகளையும் அதிகரிப்பார். 2,3,4 ம் பாதத்தினருக்கு பல வகையில் செலவு அதிகரிக்கும். தொழிலில் அக்கறை இல்லாமல் போகும். எந்த ஒன்றிலும் நிலையான முடிவிற்கு வர முடியாத அளவிற்கு சூழல் உருவாகும். பணியாளர்களுக்கு உழைப்பிற்கேற்ற ஆதாயம் இல்லாமல் போகும். குடும்பத்தில் நெருக்கடி அதிகரிக்கும். சிலர் ஊரை விட்டு வெளியூர் செல்லும் நிலை உருவாகும் என்றாலும், ஜென்ம ராசிக்குள் சஞ்சரித்து சூனிய நிலையை உண்டாக்கியவர் விரய ஸ்தானத்திற்கு செல்வது ஓரளவிற்கு நன்மை தரும். 

சனி சஞ்சாரம்:  கும்பத்தில் ராகுவும், சிம்மத்தில் கேதுவும் சஞ்சரிக்கும் நாளில் சனி பகவான் கும்பத்தில் ஆட்சியாக சஞ்சரிக்கிறார். 2026 மார்ச் 6ல் மீன ராசிக்கு பெயர்ச்சி ஆகிறார். இதனால் உத்திரம் 1ம் பாதத்தினருக்கு, 2026 மார்ச் வரை 7ம் இடத்திலும், அதன்பின் 8ம் இடத்திலும் சஞ்சரிப்பதால், குடும்பத்தில் குழப்பம், தம்பதிக்குள் பிரச்னை, உடல்நிலையில் பாதிப்பை ஏற்படுத்துவார். எடுக்கும் முயற்சிகளில் இழுபறி நிலையை உண்டாக்குவார். அந்தஸ்து, செல்வாக்கு, கவுரவத்தில் குறைவை ஏற்படுத்துவார். 2,3,4 ம் பாதங்களில் பிறந்தவர்களுக்கு மார்ச் 6 வரை முயற்சிகளை வெற்றியாக்குவார். முன்னேற்றத்தை உண்டாக்குவார். உடல்நிலையில் இருந்த பாதிப்பை நீக்குவார். எதிர்ப்பு, போட்டி என்ற நிலையை மாற்றி செல்வாக்கை உயர்த்துவார். வழக்குகளை வெற்றியாக்குவார். அதன் பிறகு செயல்களில் தடை, தம்பதிக்குள் இடைவெளி, கூட்டுத்தொழிலில் பிரச்னை, நண்பர்களுடன் பகையை ஏற்படுத்துவார்.

குரு சஞ்சாரம்: மே11 வரை ரிஷபத்திலும், அதன் பின் மிதுனத்திலும், அக்.8 முதல் கடகத்திற்கு அதிசாரமாகவும் செல்பவர், நவ.18 முதல் அங்கு வக்கிரமடைகிறார். அதே வக்கிர நிலையில் டிச.21ல் மிதுனத்திற்கு வருபவர் 2026 மார்ச்17ல் வக்கிர நிவர்த்தி அடைகிறார். அங்கிருந்து மே 26ல் கடகத்திற்கு பெயர்ச்சியாவதால் 1ம் பாதத்தினருக்கு மே11 வரை வேலைகளில் நெருக்கடி, வருமானத்தில் தடை, குடும்பத்தில் குழப்பம் உண்டாகும். அதன்பின் லாப குருவால் வருமானம் உயரும். தடைபட்ட வேலைகள் நடந்தேறும். குடும்பத்தில் சுபநிகழ்ச்சிகள் நடந்தேறும். செல்வாக்கு உயரும். 2,3,4 ம் பாதங்களில் பிறந்தவர்களுக்கு மே11 வரை நினைப்பது நடந்தேறும். எடுத்த முயற்சி வெற்றியாகும். சொந்த வீடு, சொத்து, வாகனம் என்ற கனவு நனவாகும். அதன்பின் எதிர்பாராத நெருக்கடி, தொழில், வேலையில் பிரச்னை,  சிலருக்கு வேலையை இழக்க வேண்டிய நிலையும் உண்டாகும்.

பொதுப்பலன்: 1ம் பாதத்தினருக்கு, சனி, ராகு கேதுவால் நெருக்கடி உண்டானாலும், குருவின் பார்வையாலும், லாப ஸ்தான சஞ்சாரத்தாலும், சூரியன் 3,6,10,11லும், செவ்வாய் 3,6,11லும் சஞ்சரிக்கும் காலங்களில் நினைத்த வேலைகள் நடந்தேறும். வாழ்வில் ஏற்பட்ட சங்கடம் விலகும். 2,3,4ம் பாதத்தினருக்கு 6ம் இட ராகுவும், 2026 மார்ச் 6 வரை சனியும், மே11 வரை குருவின் சஞ்சாரமும், அவருடைய பார்வைகளும் முன்னேற்றத்தை உண்டாக்கும். செல்வாக்கை உயர்த்தும். பணப்புழக்கத்தை அதிகரிக்கும்.

தொழில்: உத்திரம் 1ம் பாதத்தினருக்கு மே11 முதல் லாப குருவும், 2,3,4ம் பாதத்தினருக்கு, 6ம் இட ராகு, 2026 மார்ச் 6 வரை சனி, மே 11 வரை பாக்ய குருவும், அதன் பிறகு அவருடைய பார்வைகளும் சாதகமாக இருப்பதால் செய்து வரும் தொழில் முன்னேற்றம் அடையும்.

பங்கு வர்த்தகம், டிரேடிங், ஆட்டோ மொபைல்ஸ், எலக்ட்ரானிக்ஸ், டிரான்ஸ்போர்ட், வாகன விற்பனை, ஆடை ஆபரணம், பேன்சி ஸ்டோர், ஜூவல்லரி, அழகு சாதனம், சினிமா, தொலைக்காட்சி, யூடியூப், ஆன்லைன் வர்த்தகம், பதிப்பகம், கல்வி கூடங்கள் முன்னேற்றம் பெறும். 

பணியாளர்கள்: பெரிய அளவில் சங்கடம் அனுபவித்து வந்தவர்களுக்கு இக்காலத்தில் மாற்றம் உண்டாகும். தனியார் நிறுவனத்தில் பணிபுரிபவர்களுக்கு எதிர்பார்த்த உயர்வும், சலுகைகளும் கிடைக்கும். அரசு பணியாளர்களுக்கு நீண்ட நாளாக எதிர்பார்த்த பதவி உயர்வு, இடமாறுதல் கிடைக்கும்.

பெண்கள்: இதுவரை இருந்த நெருக்கடிகள் நீங்கும். படிப்பு, வேலை, திருமணம், குழந்தை பாக்கியம் என்ற கனவு நனவாகும். உடல்நிலையில் பாதிப்பு விலகும். பணிபுரியும் இடத்தில் செல்வாக்கு உயரும். பொன், பொருள் சேரும். கணவரின் ஆதரவால் எடுக்கும் முயற்சிகள் வெற்றியாகும்.

கல்வி: படிப்பில் அக்கறை கூடும். பொதுத்தேர்விலும், போட்டித்தேர்வுகளிலும் வெற்றி உண்டாகும். விரும்பிய பாடப்பிரிவில் இடம் கிடைக்கும். சிலர் மேற்கல்விக்காக வெளி மாநிலம், வெளிநாடு என்றும் செல்வீர்கள்.

உடல்நிலை: 1 ம் பாதத்தினருக்கு சனி, ராகு கேது சஞ்சார நிலை பாதகமாக இருப்பதால் மருத்துவச் செலவு அதிகரிக்கும். பரம்பரைநோய், தொற்றுநோய், விபத்தினால் பாதிப்பு என மருத்துவ

மனைக்கு சென்று வருவீர்கள். 2,3,4 ம் பாதத்தினருக்கு இதுவரை சங்கடப்படுத்தி வந்த நோய் நொடிகள் விலகும். ஆரோக்கியம் சீராகும்.

குடும்பம்: இதுவரை இருந்த நெருக்கடிகள் விலகும். வீடு, மனை, வாகனம் என்ற கனவு நனவாகும். சேமிப்பு உயரும். குடும்பத்தில் சுபநிகழ்ச்சிகள் நடந்தேறும். கணவன், மனைவிக்குள் உண்டான பிரச்னைகள் விலகும். பிள்ளைகளின் நலனில் அக்கறை கூடும்.

பரிகாரம்: சங்கர நாராயணரை வழிபட சங்கடங்கள் விலகும்.