ஏப். 26, 2025 முதல் 1,2,3ம் பாதத்தினருக்கு ஜென்ம ராசிக்குள் சஞ்சரிக்கும் ராகு, முன்னேற்றத்தில் தடை, தவறான நபர்களின் நட்பு, தொழிலில் நெருக்கடி, ஆரோக்கியத்தில் பாதிப்பு, எதிர்பாராத இடமாற்றம், உறவுகளுடன் சங்கடம்,  ஆடம்பர ஆசைகளை ஏற்படுத்துவார். 4ம் பாதத்தினருக்கு அதிகபட்சமான செலவினையும், அதற்காக கடன் வாங்கும் நிலையையும் ஏற்படுத்துவார். எந்த இடத்திலும் நிம்மதி இல்லாமல் போகும். சோதனையும் வேதனையும் அதிகரிக்கும். வசிக்கும் ஊரை விட்டு வெளியூர் செல்லும் நிலை சிலருக்கு ஏற்படும். தொழிலை சரியாக செய்ய முடியாத அளவிற்கு சங்கடம் உண்டாகும். பணியாளர்களுக்கு மதிப்பும், ஊதியமும் குறைந்து போகும். 

இந்த நேரத்தில் 1,2,3ம் பாதத்தினருக்கு கேதுவின் 7ம் இட சஞ்சாரத்தால் தவறான, தகுதிக் குறைவானவர்களின் நட்பு ஏற்படும். சுய கவுரவம், அந்தஸ்திற்கு பங்கம் உண்டாகும். குடும்பத்தில் கணவன், மனைவியிடையே சண்டை, பிரிவு ஏற்படும். உறவினர்களிடம் பகை உண்டாகும். அதனால் வெளியூர் செல்லும் நிலை சிலருக்கு ஏற்படும். 4 ம் பாதத்தினருக்கு 6ம் இடத்தில் சஞ்சரிக்கும் கேது, இதுவரை இருந்த நெருக்கடி இல்லாமல் செய்வார். உடலில் ஏற்பட்ட பாதிப்பை விலக்குவார். நோய் குணமாகி உடல்நிலை சீராகும். தொழில் முன்னேற்றம் அடையும். பார்த்து வரும் வேலையில் எதிர்பார்த்த மாற்றம் கிடைக்கும். வியாபாரத்தில் வருமானம் அதிகரிக்கும். எதிரி தொல்லை விலகும். எதிரிகள்  சரணடைவர். எடுக்கும் முயற்சி யாவும் வெற்றியாகும். இழுபறியாக வழக்குகள் சாதகமாகும்.

சனி சஞ்சாரம்

கும்பத்தில் ராகுவும், சிம்மத்தில் கேதுவும் சஞ்சரிக்கும் நாளில் சனி பகவான் கும்பத்தில் ஆட்சியாக சஞ்சரிக்கிறார். 2026 மார்ச் 6ல் மீன ராசிக்கு பெயர்ச்சி ஆகிறார். இதனால் பூரட்டாதி 1,2,3ம் பாதத்தினருக்கு மார்ச் 6 வரை ஜென்ம சனியாக சஞ்சரிப்பவர் மனதில் வீண் ஆசைகளை உண்டாக்குவார். குடும்பத்தில் குழப்பத்தை ஏற்படுத்துவார். தொழிலில் நெருக்கடியை அதிகரிப்பார். நண்பர்களுடன் கருத்து வேறுபாட்டை அதிகரிப்பார். வாழ்க்கைத் துணையின் உடல்நிலையில் பாதிப்பை ஏற்படுத்துவார். மார்ச் 6 முதல் பாதச்சனியாக சஞ்சரிப்பவர் வருவாயில் தடைகளை உண்டாக்குவார். தொழில், வேலையில் நிம்மதியற்ற நிலையை ஏற்படுத்துவார். உடலில் சங்கடத்தை அதிகரிப்பார். 4 ம் பாதத்தினருக்கு 2026 மார்ச் 6 வரை விரயச் செலவுகளை அதிகரிப்பார். முயற்சியில் தடையை ஏற்படுத்துவார். நோய்க்கு ஆளாக்குவார். மார்ச் 6 முதல் ஜென்ம சனியாக சஞ்சரிப்பவர் ஆரோக்கியத்தில் குறைபாடு, தொழிலில் பாதிப்பு, வேலையில் பிரச்னை, வழக்குகளையும், கணவன் மனைவிக்குள் இடைவெளி, தவறானவர்களின் நட்பை உண்டாக்குவார்.

குரு சஞ்சாரம்

மே 11 வரை ரிஷபத்திலும், அதன் பின் மிதுனத்திலும், அக்.8 முதல் கடகத்திற்கு அதிசாரமாகவும் செல்பவர், நவ.18 முதல் அங்கு வக்கிரமடைகிறார். அதே வக்கிர நிலையில் டிச. 21ல் மிதுனத்திற்கு வருபவர் 2026 மார்ச் 17ல் வக்கிர நிவர்த்தி அடைகிறார். அங்கிருந்து மே 26ல் கடகத்திற்கு பெயர்ச்சியாகிறார். இந்த நிலைகளால் 1,2,3ம் பாதத்தினருக்கு மே 11 வரை 8,10,12 ம் இடங்களைப் பார்த்து,  தொழிலில் முன்னேற்றம், முயற்சிகளில் வெற்றி, உடல்நிலையில் தெளிவு,  செல்வாக்கில் உயர்வை உண்டாக்குவார். மே11 முதல் குருவின் பார்வை ராசிக்கு உண்டாவதால், ராசிக்குள் சஞ்சரிக்கும் சனி, ராகுவால் உண்டான பாதிப்புகள் மறையும். செல்வாக்கு மீண்டும் வெளிப்படும். குடும்பம், தொழில், வேலையில் முன்னேற்றம் ஏற்படும். வியாபாரத்தில் லாபம் அதிகரிக்கும். திருமண வயதினருக்கு மணமாலை ஏறும். பணப்புழக்கம் அதிகரிக்கும். 4ம் பாதத்தினருக்கு மே11 வரை நட்பால் ஆதாயம், கணவன் மனைவிக்குள் ஒற்றுமை, திருமண யோகம், புதிய இடம், வீடு, துணையை இழந்தவருக்கு மறுமணம் என்ற நிலை உண்டாகும். மே 11 முதல் உடல்நிலையில் முன்னேற்றம், தொழிலில் லாபம், வேலையில் உயர்வு, தகுதியான வேலை, வீடு, நிலம், வாகனம் வாங்குவது என்ற நிலை உண்டாகும்.

பொதுப்பலன்

பூரட்டாதி 1, 2, 3 ம் பாதத்தினருக்கு குருவின் பார்வைகளும் 5ம் இட சஞ்சாரமும், 4ம் பாதத்தினருக்கு குருவின் பார்வைகளும், 6ம் இட கேதுவின் சஞ்சாரமும், இருவருக்கும் 3,6,11 ம் இட செவ்வாய், 3,6,10,11 ம் இட சூரியனின் சஞ்சாரங்களும் எடுக்கும் முயற்சிகளை வெற்றியாக்கும். யோகத்தை உண்டாக்கும். வருமானத்தை அதிகரிக்கும். செல்வாக்கை உயர்த்தும். தொழில், பணியல் ஏற்பட்ட தடைகளை இல்லாமல் செய்யும்.

தொழில்: 

தொழில் மீது அக்கறை அதிகரிக்கும். போட்டியாளரால் ஏற்பட்ட நெருக்கடி விலகும். எதிர்பார்த்த ஒப்பந்தங்கள் கிடைக்கும். வாகன உற்பத்தி, ஆட்டோ மொபைல்ஸ், எலக்ட்ரானிக்ஸ், கம்ப்யூட்டர், டிராவல்ஸ், ஆன்லைன் வர்த்தகம், விவசாயம் சார்ந்த பொருட்கள், ஜூவல்லரி,  ரியல் எஸ்டேட், பில்டர்ஸ் தொழில் முன்னேற்றம் பெறும். 

பணியாளர்கள்

வேலையில் இருந்த நெருக்கடி விலகும். உங்கள் திறமைக்கு மதிப்புண்டாகும். சிலர் இருக்கும் இடத்தை விட்டு வேறு இடத்திற்கு மாறுவீர்கள். எதிர்பார்த்த ஊதியம், சலுகைகள் கிடைக்கும். பணியாளர்களுக்கு பதவி உயர்வில் ஏற்பட்ட தடை விலகும். விரும்பிய இடத்திற்கு மாற்றம் கிடைக்கும்.

பெண்கள்

குடும்பத்தினர் ஆலோசனையை ஏற்க வேண்டிய காலம் இது. உங்கள் ரகசியங்களை யாரிடமும் பகிர வேண்டாம். புதியவர்கள் கூறும் ஆலோசனைகளை ஏற்க வேண்டாம். எந்த விஷயத்தையும் கணவரிடம் சொல்லி விட்டு அவரது உதவியுடன் செய்வது நன்மை தரும். படிப்பு, வேலை, திருமணம், மறுமணம் என்ற கனவு நனவாகும். வேலையில் இருப்பவர்களுக்கு எதிர்பார்த்த உயர்வு கிடைக்கும்.

கல்வி

வாழ்க்கையின் அடிப்படையும், அந்தஸ்திற்கு காரணமும் படிப்பு என்பதை உணர்வீர்கள். படிப்பின் மீது ஆர்வம் கூடும். பொதுத்தேர்வில் எதிர்பார்த்த வெற்றி கிடைக்கும். உயர்கல்வி கனவு நனவாகும்.

உடல்நிலை

உடல்நிலையில் பாதிப்பு ஏற்படும். தொற்று, பரம்பரை நோய், விபத்து என சங்கடங்கள் தோன்றினாலும் அவற்றில் இருந்து குணமடைவீர்கள்.

குடும்பம்

தம்பதிக்குள் ஒற்றுமை உண்டாகும். குடும்ப நலனில் அக்கறை அதிகரிக்கும். பிள்ளைகளால் பெருமை உண்டாகும். சொத்து சேரும். உறவினர் மத்தியில் செல்வாக்கு உயரும். வீடு, வாகனம், பொன், பொருள் வாங்குவீர்கள். குடும்பத்தில் சுப நிகழ்ச்சி நடந்தேறும்.

பரிகாரம்: சங்கர நாராயணரை வழிபட சங்கடங்கள் விலகும்.